入行20年的郭富城（城城）將於下月推出紀念大碟，前晚他穿上紅噹噹上衣出席聖誕活動，並獻唱周杰倫創作的新曲《永遠愛不完》，在現場又唱又跳的城城更跳到爆衫，high爆全場。不過問到聖誕節會否相約熊黛林時，他就狂帶記者遊花園，不肯正面回應。
城城不經不覺已入行20年，前晚他到觀塘apm出席聖誕活動，大會安排幾位小朋友以城城昔日的經典造型現身，令城城看得不亦樂乎。之後城城大展其舞王絕技，又唱又跳，不過未知是否因他近日操弗了不少，竟跳到爆衫，令台下觀眾high爆，之後他再唱出周杰倫創作的《永遠愛不完》。
出紀念專輯
城城受訪時自爆外套爆裂時感覺很爽，反而更用力更high，他透露將於聖誕前推出20周年專輯，他說：「本來好順利，啲歌亦錄晒，但後尾發覺欠缺一首快歌先耐咗。今次會畀人感受唔同嘅我，揀咗啲有感情嘅歌，要多謝周杰倫同我作歌，我亦作咗首《脈搏》。」
過浪漫聖誕
近日城城忙於在內地趕拍《大鬧天宮》，片中與周潤發有不少動作場面，所以他坦言最近操弗了不少。
同時，城城自言喜歡聖誕，因為覺得很浪漫，問他會否與熊黛林（Lynn）過聖誕？城城刻意帶記者遊花園，只透露未知能否趕及回港過聖誕。記者再問Lynn會否探班？城城扮儍說：「咩呀？冇兜圈，唔答呢啲。一個人都可以好浪漫，我喺屋企就一定佈置聖誕樹。」
採訪：胡比 攝影：彭琮然
