近日宣佈訂婚嘅威廉王子，上周六靜靜雞同一班朋友去捧黑池場，欣賞主隊對狼隊嘅英超護級前哨戰。唔知黑池係咪俾威廉王子帶旺，順利以2:1擊敗對手。賽後黑池領隊荷路維表示，自己諗都冇諗過會有皇室成員嚟睇自己球隊比賽。喺賽前同威廉王子傾咗一陣計嘅荷路威仲表示，自己喺威廉王子面前猛咁讚已故王妃戴安娜係一個完美嘅女人，值得威廉同哈里兩位王子引以為傲。