下月在紅館開騷的劉德華，前晚在灣仔會展演出慈善音樂會，暫時未能完成父親夢的他甫見現場小朋友即大叫可愛，他又叮囑記者在個唱上不要搜尋太太朱麗倩的蹤影，以免影響他的演出情緒。
劉德華、林憶蓮、軟硬、張敬軒和謝安琪（Kay）等，前晚在灣仔會展演出「麥當勞愛心童樂日2010音樂會」，梁靖琪和富貴男友拍拖睇騷。華仔打頭陣演出，憶蓮則壓軸登場，憶蓮唱出恭碩良一曲《月球人》後向觀眾宣揚環保，她說：「地球氣候不停變化，唔好扮睇唔到，為小朋友做好準備，做啲嘢保護未來。」
Kay讚陳志雲補鑊
將於下月在紅館開演唱會的華仔透露屆時會有嘉賓，會否叫家人包括太太朱麗倩來捧場？他說：「唔好問喇，到時唔好搵佢哋，唔好影響我嘅演出。」他又表示沒有騷肌肉的歌衫，但可能一時興起除衫也不定。提到無綫總經理陳志雲復職，有傳要跟四大唱片公司就版稅問題傾掂數，華仔聞言說：「我冇追呢單新聞，不過TVB都要一個人去解決四大問題。」提到港台獨自搞四台聯頒獎項，華仔表示每個機構各有取向，若有一個成氣候的頒獎禮，唱片公司自然會參與。訪問途中華仔見到小朋友唱歌，他情不自禁大讚可愛，問到何不快些造人？華仔笑言：「你哋真犀利，咁都問到。」
當日因拒絕無綫訪問而傳被列入黑名單的Kay，對於陳志雲復職，但馬上又傳他處理好業務便請辭，她說：「我冇聽聞，學張生（張繼聰）講，陳生去邊度做，嗰間公司都有福，佢做嘢上心又有才能，我唔會擔心佢。」
小武僧哭別華仔
另外，華仔主演的電影《新少林寺》，當中有班小武僧參與演出，早前華仔拍攝完畢分開在即，小武僧依依不捨，有幾位更忍不住喊，華仔見狀即安慰他們。華仔又和工作人員在大佛前影相留念，導演陳木勝和謝霆鋒則開香檳歡送。
採訪：李珮洳 攝影：陳順禎
