田北辰早前事先張揚參加全城罷食大家樂行動，抗議大家樂扣飯鐘錢咁離譜，最終凸顯佢同自由黨路線分歧，結果退黨收場。政界唔少人聽到田二少話罷食大家樂，即時冷嘲熱諷話乜佢向來有食開大家樂嘅咩？暗示佢係抽水居多。
清者自清，田二少噚日喺電台節目自爆，其實喺大家樂願意畀番飯鐘錢員工後，佢一連三日都有幫襯以示支持，平時都係大家樂客仔。佢憶述其中一日入到大家樂，仲畀個員工捉住影相，感謝佢咁支持員工，有啲低調嘅員工就向佢報以微笑，但做咗嘅嘢毋須同人講。田二少仲話自己喺個黨內同劉健儀最多接觸，幾乎日日通電話咁滯，恍如「孖公仔」，可惜最終大家都要被迫分開。