曹格年前因醉酒失控打側田，導致去年的演唱會被迫喊停，不過重新振作的曹格前晚在亞洲博覽館開騷，並以「邊度跌低，就喺邊度企起身」的宗旨將香港作為他的世界巡迴演唱會首站。在台上表現感觸的曹格激動落淚，已戒酒多時的他不避忌在慶功宴上盡興飲酒。
曹格去年9月因醉打好友側田而令形象盡毀，更險些賠上事業，原定在去年底舉行的演唱會也即時宣佈取消，經過年多來的修心養性，曹格重新振作，並於前晚在亞洲博覽館舉行世界巡迴演唱會首站，近九成入座率，吸引了廖碧兒、周麗淇、陳肇麒（陳七）等捧場，周國賢擔任表演嘉賓。
想轉行賣麪包
曹格開場不久即語帶感觸說：「HongKongisready？I'mback！自己喺邊度跌低，就喺邊度企起身，自己有唔完美地方，但唔完美冇所謂，大家睇住我成長，大家覺得我唔完美先夠真實，所以一路支持我。」
唱到《爺爺》一曲時，曹格更激動落淚，並表示雖然有很多人擔心他飛得高不高，但同時也有很多人擔心他累不累，所以他要送此歌給關心他的人。他自言曾想過放棄事業轉行賣麪包，不過因朋友開解，令他茅塞頓開，他說：「如果跌倒就走咗去，以後做乜嘢都會失敗。」
羅傑承開K場
及後曹格在慶功宴上，毫不避忌盡興飲酒，老闆羅傑承指曹格一直堅持滴酒不沾，連他的生日也不畀面，不過曹格說：「我會諗係為乜原因飲，唔會再隨便飲。」
羅傑承透露明年將會投資3億多元，計劃在港開8間卡拉OK，並會請周杰倫做剪綵嘉賓，羅傑承說：「當大家覺得卡拉OK係夕陽行業時，我就覺得有發揮嘅潛能，我已經同四大唱片同周杰倫簽約，但唔會希望做獨家，唱半年至一年就會再放番去大市場。」
採訪：馬建華 攝影：陳慧安
