車仔自從炒咗副領隊韋健士之後，好似比人落咗降頭咁，踢極都輸。前日又敗走聖安德魯球場，以0:1輸咗畀伯明翰，係4年來首次連輸兩場聯賽。睇嚟領隊安察洛堤之前話「車路士冇咗韋健士就乜都贏唔到」，未必係客套說話咁簡單喇。而車仔升咗原任球探嘅尼日利亞人艾文拿路做新副領隊之後，韋健士亦都宣佈正搵緊領隊工會幫手，考慮控告車仔無理解僱。