特區政府推出新招壓抑樓市，用額外印花稅呢招，對打擊炒家好有效。新措施會為樓市帶嚟即時冷卻作用，但效用最多只會維持兩三個月，之後炒家會靜晒，而市民買樓就會「買一個少一個」──因為一兩年內都唔會放出嚟，到時將會係成交縮但樓價升。
新措施嘅效應包括驅趕資金入股市，唔買樓又唔買股票嘅市民，或會增加消費。措施對乜嘢行業有較大衝擊？就係地產代理同銀行，銀行嘅風險細咗，但生意亦少咗。
光國C輪24695：光大國際（257）上日報收4.32元，升5.3%。股價喺9月底打破橫行格局炒上，近日受制4.50元回落下試50日線，家重拾升勢，突破4.70元睇5元，可以諗吓隻C輪24695。
隻輪現價80仙，2011年3月7日到期，行使價3.90元，溢價8.8%，引伸波幅63%，槓桿率5.4倍（有效3.7倍），正股升上5元，24695睇1.31元，正股跌穿4.06元就沽咗隻輪。
俊樺