【第四十七屆金馬獎先勝一仗】金馬獎昨晚在台灣桃園舉行，之前當地一直落雨，幸好最後天公造美停雨，令一眾內地及台灣女星可順利行紅地毯，各人皆悉心打扮出現，任頒獎嘉賓的林志玲卻收起咪咪封胸出現，反而國產美人張靜初及李冰冰一個低胸一個露背，驚艷全場。
桃園昨晚舉行《第47屆金馬獎》，頒獎禮前部份為候選演員及嘉賓行紅地毯，早幾天桃園不時落雨，幸好昨晚天公造美，一眾演員嘉賓可打扮靚靚順利在紅地毯現身，吸引不少市民及fans圍觀。
一眾台灣及內地女星爭妍鬥麗，其中以獲提名最佳女配角的張靜初最性感，谷胸上陣，反而台灣代表林志玲卻收起咪咪，以喱士封胸的Valentino黑色晚裝出現，相比之下相當失色，她表示選穿黑色是因場合隆重。身為金馬獎宣傳大使的徐若瑄（Vivian），則隆而重之佩戴價值近2,000萬的伯爵鑽飾出現，閃爆全場。
謝霆鋒志在參與
內地代表李冰冰和張家輝一同行紅地毯，她穿上一襲湖水綠的GiorgioArmani晚裝，再襯以約千萬的珠寶現身，絕不失禮，她說：「這套晚裝是專程由米蘭運來給我的，我在家已試穿，不會走光。」李冰冰表示睇好王學圻及徐帆成影帝影后。
獲提名最佳男配角的謝霆鋒以真空配西裝褸出現，問為何老婆張栢芝未有陪同出席？霆鋒說：「佢要拍戲嚟唔到，不過佢當然支持我。我對獎項都係平常心，志在參與，《十月圍城》有咁多提名，我身為一分子已經好開心。」霆鋒表示出席完金馬獎又要飛返杭州拍劇。
許瑋甯不停拉裙
曾志偉和女兒曾寶儀及兒子曾國祥一同出現，志偉四萬咁口說：「好開心，機會好難得，呢份係畀父母最好嘅禮物，就係見到啲仔女出晒身。」
憑《艋舺》提名最佳男主角的阮經天，和女友許瑋甯前後腳行紅地毯，許瑋甯穿上Gucci的tubedress，但可能有點鬆，只見她不停用手拉扯，狀甚尷尬。任頒獎禮司儀的徐熙娣（小S）及蔡康永並肩而行，小S穿上乳白色晚裝，戴上VanCleef&Arpels白金戒指及耳環，表現風騷。
採訪：藍文浩
攝影：黃偉雄
