劉嘉玲前晚與甄子丹拍攝賀歲片《最強囍事》，雖然嘉玲下月便45歲，但前晚她化身「o靚模」穿梭銅鑼灣鬧市，又舉V字手勢又扮cute，表現相當入型入格。不過，未知何解嘉玲一到場便面黑，跟甄子丹戲外更欠缺交流。
劉嘉玲前日將她的o靚模look放上微博，原來她是準備到銅鑼灣與甄子丹拍攝電影《最強囍事》。穿戴黑背心短裙黑帽、戴上紅色假髮及化了濃妝的嘉玲，於前晚8時許由10多名工作人員陪同下抵達銅鑼灣崇光百貨附近行人專用區。
甄子丹強拉離開
前晚外景引來近300人圍觀，場面墟冚。不過，未知是否因為現場人頭湧湧還是其他，嘉玲一到場即面黑黑不發一言，也沒有跟拍檔甄子丹有交流。
劇情講述o靚模打扮的嘉玲在甄子丹陪同下現身銅鑼灣，被龍友包圍狂影相的她狀甚興奮學o靚模擺甫士，一時舉起V字手勢，一時扮cute，但甄子丹見狀二話不說地拉着她離開，並以手阻擋龍友鏡頭。
嘉玲拍到晚上11時許收工後接受記者訪問，始面露笑容。談到今次扮o靚模，嘉玲笑說：「我喺戲入面飾演作家，因為要寫一本關於o靚模嘅書，所以專登扮成o靚模咁感受一吓。」
「需要時間磨合」
問嘉玲今次與甄子丹合作感覺如何，她說：「同子丹合作咗兩日，都好開心同佢合作，但大家都需要時間磨合，因為之前唔熟。」談到拍攝進度，嘉玲說：「進度都OK，但今日條街比較多人。」此外，嘉玲有份參與電影《讓子彈飛》，更與葛優合唱該片主題曲《送別》。本來導演姜文只打算用20、30年代經典名曲《送別》的原來錄音版本，但臨時提議由嘉玲和葛優合唱，二人也欣然接受。
採訪：黃文成、李珮洳
攝影：黃曉程、林德雄