《旺友》今個禮拜過得真係充實，啱啱星期二去完馬交睇AKB48同SKE48演唱會，星期三喺香港又有握手會，搞到家仲未回魂，波都睇少咗。
講番個show，雖然係喺金沙個細場搞，不過氣氛都算唔錯，有睇我哋副刊版都知啦；呢次演唱會，AKB個陣容冇SKE咁強（因為我最愛Tomochin未見人），不過大小松井都有嚟，算係咁喇，起碼都叫睇得過癮，我諗大部份fans都收貨啦！但講堅，要過大海睇就真係煩咗少少又遠咗少少，希望快啲公佈香港下年幾時開show，到時唔該明哥、銓哥準時一齊排隊買飛喇！
陣容呢家嘢有時唔太重要，AKB個show冇主力都一樣旺場啦，好似曼聯咁，今晚喺奧脫福對韋根，就算仲有唔少傷兵都冇有怕，炒得。
文：守丹
心水：曼聯勝[-1]
近5場戰績：LLWWW
心得：紅魔有運仔