蘇施黃前晚於銅鑼灣一間戲院舉行兩場《我要賺兩億潛能篇》，入場觀眾均有一袋禮物包，內有一張《蘇good面面談》宣傳單張，有興趣人士可單獨或小組與阿蘇會面，但收費驚人，3小時的見面費用為24,000元，分分鐘比律師的談話費還貴。
蘇施黃因主持烹飪節目而為人熟識，前晚她於銅鑼灣舉行兩場《我要賺兩億潛能篇》座談會，第一場只有40多人入場，第二場就爆滿，每張門票售價100元。
3小時$24,000
入場觀眾獲贈一個禮物包，當中有藥油、食肆現金券等，又有一張《蘇good面面談》宣傳單張，有興趣者可單獨或組成小組與阿蘇傾談，不過收費甚高，3小時要24,000元，可媲美律師的談話費。
座談會中阿蘇說沒想過做電視節目帶來的威力：「冇諗過要喺免費電視台做節目，更冇諗過會令我去到另一個層次，節目一出，去到街市啲人由街頭叫到我去街尾，教人整豬扒，第二日啲豬扒可以賣晒。」
難與亞視合作
阿蘇透露本來是與亞視合作，但合作計劃最後告吹：「初時諗住去亞視，努力少少有4、5點（收視），再努力啲有雙位數就必勝。我同佢哋傾到差不多簽約，點知當日有個高層打嚟叫我預多少少時間，話佢老細有嘢想同我分享，我好嬲，叫佢有嘢留番同自己講，唔使同我講，最後我收咗線冇去。我讀書唔叻，但我要請教都問個第三名，而唔係由個考最尾嘅向我獻計。」
採訪、攝影：林妃