林海峰（Jan）及葛民輝噚日喺銅鑼灣出席時裝活動，今次係四個唔同品牌合作，阿Jan抵死咁話：「今次合作簡稱四台聯頒，音樂上滿足唔到大家，就喺時裝上滿足番。」問佢哋係咪覺得冇咗四台聯頒好可惜？阿葛話自己唔係專業歌手又冇出碟，對獎項冇感覺。問軟硬幾時再搞騷？阿Jan話：「呢排我哋合作咗兩次好濫，係時間退出，不過好快又復出。」