亞姐總決賽下月5號舉行，連日嚟一班候選佳麗已四出宣傳，見報率大增，新聞多多，不過結果搞到有佳麗話辛苦已退出。雖然距離決賽舉行仲有兩個幾星期，但噚日突然收到有人報料，話大會已經一早內定咗三甲，冠軍係只有18歲嘅3號萬嘉麗（圖）、亞軍係16號何婭萌，季軍係9號邱淑芬。呢單嘢真係唔知真定假，或者係有人想幫亞姐搞吓宣傳呢。