【北京直擊】恨做老竇嘅劉德華最愛帶兩個囝囝Andox同黑仔出席活動，佢哋噚日就去咗北京出席兒童劇記者會。華仔講笑話自己係囝囝嘅媽咪，兩年前孕育咗佢哋出嚟。華仔話自己都感受到做人阿媽一啲都唔容易，佢話：「佢哋就好，一生出嚟就咁大，唔使經過餵奶同換尿布嘅階段，但做女人就真係唔容易。」
避談生B話題
因為講到湊仔問題，於是有記者再追問華仔幾時真正生B？他即時使出四両撥千斤咁話：「家係講兒童劇，生仔呢啲成人話題下次再講。」
華仔為咗做一對乖仔嘅好榜樣，佢話自己會成日教Andox同黑仔環保意識，特別要佢哋珍惜用水。華仔搞笑話：「可以邊尿尿邊冲凉，唔使冲水就最環保。」
父子紅遍北京
對於近日北京吉野家隨餐送Andox同黑仔公仔，不過店員會同顧客講：「要華仔的兒子嗎？」華仔話：「咁就表示，我同囝囝喺北京都好紅啦！」
