一群80後、城市人，過去兩年陪伴着菜園村村民堅持「不遷不拆」，走遍全港五區跪地苦行，疾呼「反高鐵．停撥款」，到後來歸於田園，一起籌建新村。他們說在這片最弱勢的鄉土，感受到最親切的人際關懷，驚覺到一種擺脫財團壟斷、自給自足的可能。今日會化身巡守隊，瞓身抵擋推土機鏟進民居。
保留自主生活
「婆婆，我嚟保護你呀，哈哈哈！」戴上紅布帶、背着數碼相機，Jenny與各巡守隊員穿梭巡邏。Jenny去年首次踏進菜園村，聯想到台灣樂生療養院逼遷事件，「都係要起鐵路逼走人」。
「最初只覺得呢度好鄉下，好快就發覺，佢哋每家每戶收入唔高，但係生活質素好過市區人」。樂生與菜園，令她意識到，社會上最弱勢的地方，其實只要有一點空間，居民就能創建出自主的生活，「所以我醒覺到，點解呢度咁值得保留」。
今年初的反高鐵集會，Jenny擔任大會司儀。集會過後，她有份建立了菜園村生活館，學習務農生活，「錢使少咗，嘢食係自己種，覺得生活係可以脫離大財團」；「生活喺香港，如果唔想競爭，只係要保留一種最基本嘅生活，我哋仲有冇咁嘅條件？」
籌劃興建新村
過去一年多，中大應屆畢業生陳秉鳳與村民一起參與過無數次示威、籌辦音樂會、中秋晚會、出刊物、派單張，甚至在寒冬中參與五區苦行，「成條高鐵好唔公義，喺成個反高鐵運動，一直想大家留意菜園村問題」。
萬人集會，撥款也在立法會功能組別議員舉手下獲通過，陳秉鳳即與居民舉行更多的會議，一起構思透過復耕計劃興建新村，「如佢哋堅持唔走，我會陪佢哋到底。政府應先解決安置問題」。
本報記者