樂壇歌手馮曦妤入行數年，保持住乖乖女形象，令一班癡心歌迷死心塌地支持她。早前馮曦妤為本月的首個售票演唱會積極排練，歌迷也不忘關心她，早前更主動帶備她最愛的食物到公司作鼓勵。得到歌迷支持，馮曦妤識做地在海報寫上「LoveYou」作回禮。她謂：「佢哋好錫我o架，經常買我鍾意嘅嘢食，又煲湯畀我。知道我要減肥又會買沙律畀我食，真係感動。」
媽媽擔心
更有歌迷在微博大呼馮曦妤是女神，她笑言：「應該係音樂女神，或者係精神上嘅女神，覺得好搞笑，我都係女神？」馮曦妤舉行賣票個唱，家人比她更緊張：「媽咪日日問住我賣飛賣成點，又話要去售票處睇吓。屋企人比我更緊張，我覺得公司安排得，即係相信我做到，所以我冇擔心呀！」
採訪、攝影：王連連