【本報訊】立法會跨黨派議員前日同聲力促內地法院早日釋放毒奶粉受害家長趙連海，不過金融服務界議員詹培忠昨日卻不理主流民意，指港人聲援趙連海，顯示港人不了解國情，不應「挑剔」內地法院判決，又堅信中國政府如無充份證據，一定不會控告趙連海，揚言不論在內地或香港，任何人想挑戰北京管治權威，「都唔會有好下場」。詹的言論引來泛民議員強烈反彈，指港人聲援趙連海，全出於良知呼喚，「呢個係良知問題，唔係高調低調問題，我哋見到咁嘅事都唔出聲，就係冇良知」。
稱港人不了解國情
立會昨繼續就趙連海被判監兩年半進行休會辯論，在主流民意支持下，前日不少建制派議員均表態支持釋放趙，但昨日發言的詹培忠及旅遊界議員謝偉俊，卻發言公開批評聲援趙連海的人。詹培忠甫發言即質疑港人對趙連海案的反應，反映港人不了解國情，「點解要去挑剔人哋？你哋唔可以絕對話人哋唔啱」，又說北京法院控告趙連海時，一定有「充份證據」，「否則我堅信政府已經係唔會告佢」，又指港人「唔應該討論任何地區嘅政府行為」。詹培忠又警告港人不要挑戰內地司法和中央權威，否則不會有好下場，「呢個世界唔剩只國內，包括香港在內，挑戰管治權威，都唔會有好下場」，又指有議員就趙連海事件批評中國政府，「會令人以為我哋打擊中國」。
判趙連海引起公憤
詹的發言令不少泛民議員譁然。民主黨甘乃威發言反駁，指今次趙連海被判監的結果已引起國內外公憤，「呢個係良知問題，唔係高調低調問題，我哋見到咁嘅事都唔出聲，就係冇良知」，又轟詹培忠指不應挑剔內地法律制度的言論，是本末倒置，「趙連海根本係連去法庭都唔應該，冇理由為自己BB出頭爭取應有權益，要被拉上法庭」。社民連陳偉業亦批評，為中共法院今次判決護航的建制派人士，是「只識做縮頭烏龜，係狗奴才心態」。連續兩日的休會辯論共有27名議員發言，但政府官員堅持潛水不發言。