胡定欣在08年獲得無綫飛躍進步獎，今年臨近台慶又有兩線劇推出，更憑《刑警》角逐最佳女配角，問她有否信心得獎，她說：「自己都唔知有乜嘢對手，單係小紅姐（惠英紅）已經係好大嘅競爭對手，不過自己都冇諗太多。」
做配角較輕鬆
入行8年，胡定欣仍未走向主角之位，不過她認為當配角可令她減輕壓力，她說：「想再做好啲先，做配角可以有好多空間，暫時想輕鬆少少，做主角要孭飛，驚搞衰套劇。」
在《刑警》中，胡定欣又面對另一挑戰，就是飾演正義警察的她會有性感放蛇場面。不過，她坦言最喜愛演奸角，她說：「奸可以過足癮，發揮機會又多，但我睇番《義海豪情》麗華呢個衰女包同自己本身性格好唔同，自己真實性格近《刑警》多啲，唔似麗華咁臭脾氣。」