花旗股市跌至支持位轉為窄幅橫行，港股噚日大幅反彈主要靠內地股市回勇，內地股市升勢可唔可以持續要多睇一兩日。
呢排內地炒中央推措施壓抑通脹，調高銀行儲備金率之後會唔會再加息係投資者最關心嘅，加息當然可以壓抑通脹嘅升勢，但亦會有好多負面效果，家係兩難局面，不過控制通脹預期比打擊通脹更加重要，中央話要推出國家儲備壓抑物價就係要控制通脹預期。港股升上23617收市，下個目標係10日同20日線構成嘅阻力區。
恒生C輪17840：恒生銀行（011）噚日報收127.60元，升4.2%。股價配合大成交向上突破保歷加通道頂，升破135元睇142元，可以諗吓隻C輪17840。
隻輪現價12仙，2011年6月8日到期，行使價119.99元，溢價3.4%，引伸波幅25.6%，槓桿率10.6倍（有效6.6倍），正股升上142元，17840睇22.9仙，升幅有9成，正股跌穿122元就沽咗隻輪。
俊樺