志雲愛將古巨基第三間時裝店昨日開張，邀請了好友周慧敏及鄭伊健等任剪綵嘉賓。對於陳志雲復職，早前曾與志雲聯絡的基仔說：「好戥佢開心，希望佢工作順利。」問基仔會否期待陳生盡快搞好四大唱片與無綫的關係？他續說：「其實呢一年冇以前咁好玩，希望快啲熱鬧啲。」
敖嘉年口震震
鄭伊健對於志雲復職而好友錢國偉暫時不會返無綫工作，他說：「佢喺出邊好多job，TVB都搵番佢做《荃加福祿壽》個騷，證明佢有才華。」而周慧敏表示與陳志雲不熟絡，但一直有為他祈禱。
此外，志雲叛將敖嘉年和胡定欣昨日到中港城出席聖誕活動，兩人被問到知否陳志雲復職和對此事的看法時，敖嘉年即口窒窒地說：「知……知，其實工作態度都係一樣，都係打份工啫。」而胡定欣則說：「希望佢冇事，快啲投入返工作，祝佢工作順利啦。」之後敖嘉年才續說：「其實都幾雀躍嘅。」
採訪：李珮洳
攝影：陳慧安、藍文浩