天妒英才！帶領瑞信走過金融危機嘅瑞信投資銀行主席PaulCalello（圖），噚日喺紐約屋企病逝，終年49歲！舊年9月，Calello被驗出患有「非何傑金氏淋巴瘤」，就即刻卸下瑞信投行CEO個位去接受治療，將近10個月後，佢正式交棒畀EricVarvel，轉任董事。
Calello唔只係瑞信成功開拓亞洲業務嘅功臣，09年佢仲接替蓋特納，競選紐約聯邦儲備銀行行長！雖然佢喺金錢同權力至上嘅華爾街成長，但另一方面佢就好「人性化」，出身社工家庭嘅佢，喺自己嘅三胞胎出世前，領養過一個小女孩，而呢幾年，佢一家大細為北京一間孤兒院服務。
Calello離世之前嘅最後一個周末，佢邊彈邊唱同屋企人一齊度過，其中一首歌係《NoWoman,NoCry》。希望佢安息啦！
李華華