隔晚花旗股市大幅下挫，道指險守11000關，跌178點，大成交守住支持位，隨時可以反彈，不過暫時對港股冇乜刺激，因為市場焦點仲係喺內地股市。
內地股市繼續跌，深滬300指數再跌2%，港股被拖低近500點，恒指報收23214，成交同前日差唔多，都係1000億左近，市場氣氛轉淡，但恒指已經跌入支持區，50日線上移至23038，技術反彈出現嘅時間已經好近。
平保C輪25944：平安保險（2318）噚日報收87.60元，升0.5%。股價前日跌至20日線水平，噚日大跌市都能夠力守此關，成交增加，加埋日線圖嘅長尾倒轉錘，調整應該已經結束，反彈目標可定喺100元，破位睇106元，可以諗吓隻C輪25944。
隻輪現價14.2仙，2011年11月2日到期，行使價87.50元，溢價16.1%，引伸波幅41.6%，槓桿率6.2倍（有效3.6倍），正股升上106元，25944睇26.7仙，正股跌穿82元就沽咗隻輪。
俊樺