金融海嘯之後，班英官成日話要控制啲金融機構豪派花紅畀員工、又唔畀佢哋開出高條件嘅薪酬保證請人，擺明同班每年等分花紅嘆世界嘅投行賓卡對着幹，包括渣打（2888）、滙控（005）在內嘅多間國際金融機構，都先後明示、暗示過，叫佢哋唔好逼虎跳牆，咪會搬總部註冊地避開呢啲要求。
果然「你有張良計，我有過牆梯」，喺英官未有進一步指示之前，獅子行滙控一於少理，嗱嗱聲加呢班投行賓卡人工，據聞有啲加薪幅度係以倍數計！
呢招加薪代花紅咁揼本，希望滙控未來話事人歐智華，唔使再話因為保證唔到班賓卡嘅薪酬而請唔到人啦！
李華華