宣萱前晚與獸醫男友Ruan在鑽石山出席電影《狗狗學警》首映，同場還有趙碩之、戴夢夢和Yumi等。宣萱表示愛犬LuLu最近為愛護動物協會拍照宣傳，她說：「我大約8、9年前喺TVB附近執LuLu返嚟，嗰陣佢俾隻沙皮搞大咗個肚，後來我咪帶咗佢返屋企，諗住過幾日送佢去愛護動物協會，點知佢同我五隻狗相處到。」
夢夢怕腩肉現形
宣萱謂LuLu現時已是14歲的老狗，她說：「影相時我攞住食物，佢可以企6個鐘唔郁，好為食，要毒死佢好易咋。」
戴夢夢被拍得與男友到泰國旅行，被指預支蜜月，她說：「蜜月都唔去泰國，去歐洲或者馬爾代夫啦。」又謂很介意被拍泳衣照：「嗰日我食完豐富早餐，啲肥肉走晒出嚟。」
採訪、攝影：楊潔雯