當年患咗AVM(腦動靜脈血管畸形)劈炮唔撈嘅肥馬,可能台灣南山單deal「禍」咗終於清閒番啲,佢話唔似得阿松咁疲勞,又要賺咁多錢,又有3個仔女湊,啲健康產品都係啱阿松多啲!
講起3個化骨龍,平時嚡口嚡面嘅阿松即刻會心微笑,仲將手機儲存嘅仔女相,show畀王䓪鳴同華華睇;3個小可愛戴晒黑超非常有型,大仔同二女肥肥白白似阿媽,細仔唔知係咪掛住玩唔食嘢,瘦到同阿松一樣成條藤咁,講講吓講到早排同老婆去男小拔幫大仔撲學校;阿松話:「仲未有secondin呀!」睇怕未來幾年佢兩公婆都要為搵學校頻頻撲撲!
至於肥馬,由於唔使撲奶粉錢撲學校,所以真係好鬼悠閒,佢話家除咗出席老友活動之外,亦做多咗慈善活動;早排至參與一個為地中海貧血病籌款嘅活動,捐咗幾皮嘢;下個月又去內地參加一場Golf慈善賽……阿松嘛,應該過多廿幾年先有啲咁嘅日子囉!
李華華