大市連續3個交易日下跌，一周內已從高位回落1400點，跌勢之急與幅度令不少投資者感到意外。昨日港股主要仍受A股拖累，上午大市在A股微跌下，尚算頂得住，可以微升收市，但A股的沽盤似乎特別喜愛在午市出動，由原先只是跌約20點一下子變成跌超過100點，令本港投資者午飯時間都唔可以食得安落。
筆者多番遍尋，都找不到確切原因為何A股昨會繼續下瀉，看來又是舊酒新瓶，繼續炒加息預期及會有緊縮措施出台。不過在筆者眼中，其實一切都是藉口，本欄先前已講海嘯來前必先潮退，自然現象當然易解釋，但金融世界為何亦會如此？
因為大戶手上唔夠貨，若一路炒上去，你就一路套利，佢就接貨，記着大戶是要賺錢而非派錢，唔震走你又點可以收夠貨，到佢收夠貨，你又唔多貨時，便再炒上去，令你忍唔住高位追貨，接其火棒。士佳有個假想，大戶一係唔震，一震便會跌穿所有坊間所講的支持位，君不見國際大鱷紛紛進駐本港，還高調上去見管理層，自己可能孤陋寡聞，未聽過大戶入股前會如此高調，多數都係收收埋埋，如此高調，似乎都係明修棧道，暗渡陳倉居多。
現階段未可輕言見底
要嚇到信心不足的朋友離場，即使唔跌穿大家看緊的支持位1000點，都有800點，所以現階段都未可輕言見底，起碼多一個壞消息或美股大跌才像樣，近日伯南克壓住債息的如意算盤未有打響，孳息率不跌反升，唔知會唔會用這個作藉口。其實高手中的高手，可以高沽低揸，但如果只想簡單地賺錢，只要明白大戶震倉其實係想要貨。散戶們當然跟唔到大戶震，惟有跟其步伐入貨，底部通常是尖的，往往一瞬即逝，例如見有一兩日大成交上升，便可能已是見底訊號了。
張士佳
寶來證券（香港）董事 投資服務部
mailto:[email protected]