無綫旗下大部份藝人都與街外市民一樣，看新聞報道才知道總經理陳志雲復職，主帥重新掌權，小兵還有誰敢狂言？大部份無綫藝人對志雲復職均表示歡迎，且祝福他一切安好。
呂慧儀：都戥佢開心，我一入公司佢已經喺度，有冇罪係法庭判，我又唔係公司高層，高層嘅嘢唔太清楚，但相信佢咁有才華，唔管理藝員，都可以做其他。
林欣彤：我未見過佢，只知道之前有好多唔開心嘅事，家佢返工，希望佢冇事同順利，人最緊要係開心啫。
郭晉安：有睇新聞都知道，最緊要佢冇事返嚟，公司自有鋪排，佢只做行政工作，或者係熱身，希望佢冇事。最緊要係喜事。
謝雪心：好好呀，希望佢身體健康，一切順利。佢官司未完就返嚟，都係公司安排，我冇資格談論。
吳家樂：佢返嚟係好事，上層嘅嘢我唔知，總之所有嘢等公司安排，我哋小演員，冇黨冇派，有乜轉變對我都冇影響，唔想同事之間有是非，希望轉變係開心嘅。