內地股市再度顯著下挫，進一步拖低港股，恒指24000關失守，報收23693，跌334點。恒指10日及20日線相繼失守，但強力支持區23200至23350與恒指已非常接近，港股距離見底反彈之時間已不遠，反彈會先試10日與20日線阻力區（23956至24438），突破可重拾升勢。
花旗國會中期選舉過後，開始出現新嘅政治角力，會為花旗股市帶嚟波動，但港股短線仍較受內地股市影響。
領匯C輪23066：領匯（823）噚日收報24.80元，升0.4%。股價在過去半年升勢雖然緩慢，但勝在穩定，業務前景亦理想，加上息率高，喺家嘅環境，對基金都幾吸引，中線睇30元，可以諗吓隻C輪23066，隻輪現價46.5仙，2011年5月4日到期，行使價20.88元，溢價2.94%，引伸波幅38.63%，槓桿率5.33倍（有效4.02倍），正股升上30元，23066睇91.30仙，升幅近1倍，正股跌穿23.50元就沽咗隻輪。
俊樺