市場上周五因怕中央周末出招,大市隨A股下跌,最終中央未有再出新招,投資者以為應有反彈,不過大市昨日實在唔多爭氣,反彈不夠半小時已經掉頭下跌,下午即使A股倒升近1%,都幫不了港股。上大人收市後,便又再跌過,期指最後跌穿24000水平收市。表面看來,下跌約2百點不算多,但當上午大市仍升時,不少個股已倒轉來行,實有點托沽之味,因此,若然話調整已完,似乎過早下定論。
這次調整,與市場恐懼內地隨時再有緊縮政策有莫大關係。今年以來,內地通脹不停升溫,房價受中央多番打壓仍居高不下,溫總早兩天在探訪澳門時便說:「今年左一個十條,右一個五條,樓價還是壓不下來」,足見溫總的無奈,亦看得出房價與通脹對中央造成頗大困擾。
吼低博衍生工具
有人猜測溫總這番講話,可能揭示之後緊縮政策有機會一浪接一浪而來,不過筆者認為這些都只是吸水海綿,最後依然會不敵海嘯(熱錢)湧來,現時只是度過海嘯前潮退的階段而已。有人奇怪這個金融海嘯來之前為何會先來潮退,士佳以陰謀論去睇,認為大戶不會給機會人人賺,大升之前會先嚇走定力不足的投資者,而市場上不少人看大市在23500至24000間有支持,以筆者經驗,這些支持位一係唔到,一係就穿突,自己就睇這次回調有機會到50天線才完成。到時唔會理太多,一見當頭起就買,不設止蝕,當然睇過往圖表,有時會挨近50天線就回升,有時沾完都要再跌一跌才見底,係唔係撈正底都很難說。
不過做投資要信自己信念,我的信念是這次QE2將會水淹香山。雖然現階段自己亦有減持,但仍持有一堆貨,避免內地唔用海綿都唔會蝕底,現時就留有三分之一注碼,吼低才加貨,但士佳到時加就不只三分一,而且會膽粗粗去博衍生工具。
張士佳
寶來證券(香港)董事 投資服務部
mailto:[email protected]