講開溫總場親民騷，啲馬交朋友真係好多嘢分享。佢哋話，溫總前日去氹仔嘅鴻業大廈家訪，舊年12月胡錦濤嚟澳門，就去咗隔籬一條街嘅百樂花園家訪，似乎領導人都特別鍾意去氹仔了解澳門民情。
有鴻業大廈嘅居民解釋，幢大廈有十年樓齡，屬中產樓，1,000呎單位賣成300萬有多，而且樓價升得都幾犀利，又講笑話溫總嚟過之後，相信幢大廈樓價會再升。居民又透露，大廈部幾個月前成日扽吓扽吓，但早前突然整番好，唔知係咪為咗預備迎接總理到訪，否則部可能冇咁快整番，居民要繼續擔驚受怕。
家訪期間，溫總入屋冇耐，即攬住一位紅衫妹妹仔錫咗一啖，個妹妹可能驚生暴，溫總一錫佢就嚇到喊親，場面尷尬。但市民睇電視新聞唔會見到呢一幕，因為電視台淨係播出妹妹仔唱歌畀溫總聽嘅片段。