20國集團（G20）會議完結，會後嘅聲明可以用4個字總結，就係「各自為政」，背後嘅意義就係講唔掂數，各行各路，未來金融市場將會喺「水浸加混亂」嘅局面。
上禮拜五內地出現小型股災，港股亦被拖低近500點，內地股市回落，係以通脹憂慮炒作，仲有各種不能證實嘅政策謠言推波助瀾，呢啲炒作將會此起彼落。至於港股下挫，係轉勢定係調整？俊樺認為係低位收集嘅好機會。
友邦C輪26301：友邦保險（1299）上日報收23.40元，同招股價比較，升幅接近兩成，之前1日仲升破過24元，呢隻股短中長線都可以睇好，升勢剛起，遇上大市調整，係低吸同加碼嘅好機會，可以諗吓隻C輪26301。
隻輪現價27.5仙，2011年5月30日到期，行使價23元，溢價10%，引伸波幅36.8%，槓桿率8.5倍（有效5倍），友邦升破25元，睇27元，26301到時有機會見52仙，升幅近9成，正股跌穿22.30元就沽咗隻輪。
俊樺