上星期中國球員都算係黑到爆，皆因「中國巨龍」姚明被撞傷最少要唞一星期後，巫師前鋒易建聯（圖）亦都喺上周六作客鬥公牛時受傷，巫師控衞禾爾喺第3節中段防守時被撞跌，上身壓向喺佢後面嘅隊友易建聯度，易建聯即時露出極痛表情，仲要離場。好彩嘅係，易建聯隨後喺微博話冇傷到韌帶同骨頭，應該冇咩大礙，但暫時就未知要唞幾耐。