英國首相卡梅倫上星期三（10號）收到一份5億美元嘅「大禮」，第一東方投資集團宣佈，組建總額5億美元（約39億港元）的「中英基金」，幫英國公司（尤其係中小企業）擴大資本同提供相關支持，幫佢哋進入迅速增長的中國市場。
幫英國企業進軍內地
諸立力話，呢個基金都會跟番第一東方25年來成長嘅DNA咁做，「畀個機會投資小股，10%至15%左右，一齊打新興市場，我哋係參股，唔係買斷」。佢做生意嘅理念，係長遠共建和諧，唔係樣樣賺到盡。
「世界上嘅矛盾已經多到不得了，我哋要想搵啲和諧嘅，喺一個新領域，唔係話一開波就要買晒……做生意係要一齊贏一齊輸，呢個係良心話，香港市場一向係去得好盡嘅，但唔係話賺錢，捐番錢就得！」
至於點解揀英國？好簡單，佢除咗因為留學英國，對英國市場比較熟外，「中美關係家無中英關係咁自然，咁我哋又已經喺英國參股咗兩間投行，佢哋可以幫我哋。搞掂英國再去美國，去埋歐洲就容易」。