港人愛以「鬼拍後尾枕」形容一個人有事隱瞞，卻一時口快下不打自招。次文化堂社長彭志銘說，鬼拍後尾枕原句為「鬼拍後腦䪴」，歇後語為不打自招，屬民間迷信傳說，無正式典故，其中一個較可信的說法源自民間戲曲故事，「好多故事都係講官府審案，好似包公夜審烏盆咁，當個犯唔認罪又冇罪證，好多時就由死者鬼魂出嚟嚇個犯人，慢慢變成呢個講法」。