喺英格蘭娛樂界同體育界名人當中，最近流行緊一樣唔合法嘅行為，就係唔用車牌，話咁先唔會影響呢啲辣車嘅流線型設計喎；佢哋夠膽咁做，係因為辣車車速高，就算俾警察發現，都追佢哋唔到。估唔到車路士中場林柏特（圖）30有2，亦好此道，最近就俾傳媒拍得佢揸住架值17萬鎊（約220萬港元）冇用車牌嘅法拉利458。