羅君左（斌仔）前日疑出現突發性心臟病，昏迷多時後，延至昨晚不治，終年51歲。原來斌仔有一未完心願，就是將自己撰寫的劇本搬上舞台，並擔任導演，日前斌仔出事前夕，便是與幕後好友蕭鍵鏗洽談劇本修改事宜，蕭鍵鏗揚言一定會為斌仔完成心願。
在1979年加入港台當配音的羅君左，數十年來醉心演藝事業，縱使兩度截肢，他仍不放棄。上月初，他便參與香港影視劇團《曹禺──一個世紀的聲音》舞台劇演出，除聲演年輕曹禺外，更飾演老年坐在輪椅上的曹禺。
出事前洽談劇本
原來斌仔還有一個未了心願，就是為自己撰寫的舞台劇擔任導演，大前日斌仔因為水腫入院當天，他便約了幕後好友蕭鍵鏗洽談劇本事宜。跟周潤發是同期無綫藝員訓練班同學的蕭鍵鏗，監製過不少電視劇集，昨日他接受電話訪問時說：「佢（斌仔）有個心願，就係好想做導演，希望我幫手。不過佢個劇本係以前寫落，時代背景同家差好遠，要update番，我家着手幫佢執緊。」
好友誓代圓心願
斌仔的劇本，並非自己一生故事，而是一個離開舞台多年的名伶重踏舞台的奮鬥史，蕭鍵鏗說：「係講個名伶對藝術嘅執着，佢原本想搵我做男主角，話個角色好啱我做，但我同佢講，舞台劇唔係單單滿足自己，係要滿足埋觀眾，雖然我舞台劇做咗好多年，但我唔係乜嘢大卡士，所以我只係會幫佢做幕後嘅工作，幫佢執番好個劇本。」
蕭鍵鏗續說：「呢個係好漫長嘅路，不過無論將來發生乜嘢事，我一定會幫佢完成心願，一定會繼續，呢個係佢心願，亦都係我嘅心願。」
鄧英敏昨日則透露三個月前與羅君左傾偈，並邀請對方撰寫以《歡樂今宵》為題材的劇本，打算安排《歡樂今宵》的舊日演員走勻18區表演，可惜羅君左心願未了便離世。
採訪：戴彩煥
攝影：朱志聰
