位於佐敦的恆豐酒店差不多是李振輝每趟回港必到的地方，因為當年他們李家五姊弟，就是在這裏長大，他說：「彌敦道218號係我哋同小龍長大嘅地方，當時係一幢西式唐樓，面積有成4、5千呎，住咗差唔多20人，有爹哋嘅徒弟、工人同親戚。每日開飯都成兩枱人，過時過節仲會有成五圍人食，成班細路喺度走來走去好熱鬧。廚房長期擺滿餸菜，個爐頭隨時可以煮20幾人嘅食物。」
「景觀同當年一樣」
李振輝這趟跟兩位很久沒回港的胞姊，特意入住這間酒店，李振輝說：「我帶兩個家姐去到2樓咖啡室坐，因為呢度望出去嘅景觀同當年一樣。」之後到了他們三兄弟當年就讀的喇沙書院，李振輝說：「呢個新校都有成30年歷史，不過我始終好懷念當時我讀書嘅舊校，古典得嚟仲好有氣氛。」
至於李小龍位於九龍塘的故居，目前變成時鐘酒店，他表示跟哥哥在生時已經全然不同，他說：「我記得間屋有個露台，門面都已經唔同晒，不過我知道仲有好多龍迷會專登入去租房參觀。」