張曼玉昨日在港出席名車活動，大談感情狀況，甜絲絲表示與德籍建築師男友OleScheeren感情穩定，曾有過一次失敗婚姻的曼玉，直言不信任婚姻，暫不打算再婚，因為相處開心最重要，她又謂今次回港不敢相約好友梁朝偉敍舊。
現年46歲的張曼玉與比她年輕7歲的德國籍建築師男友OleScheeren拍拖三年，相戀之初有影皆雙，但近年已不做孖公仔。曼玉昨日在鰂魚涌出席Audi名車發佈會，她一身斜膊晚裝高貴現身，在幾位保安及工作人員護駕下到場，甚具排場，再被近百傳媒包圍拍照後接受訪問，場面一度混亂。曼玉透露今次獨自回港一周，男友未有同行，稍後她會到北京，然後再到歐洲。
開心最緊要
談到現時與男友Ole的感情狀況，曼玉大方回應說：「感情幾好，冇乜變動。」她表示男友主要留在北京工作，她每次飛往北京也是為會愛郎，問到有否結婚打算？她說：「咁又冇。」沒半點結婚衝動嗎？曼玉說：「又冇，覺得唔需要，唔trust（信任）呢樣嘢，畀唔到我好大嘅安全感。」問她是否因與前夫阿薩耶斯（OlivierAssayas）婚姻破裂有陰影？曼玉否認說：「咁又唔係，都唔覺得之前做錯，件事係咁，嚟多次都唔需要，最緊要係每日相處開心就好過結婚。」
唔敢約偉仔
曼玉表示今次回港，也會相約舊友敍舊，她說：「通常係公司之間一齊去敍吓舊。」問到會否約梁朝偉見面，她說：「唔會特別約，你哋喺度都唔敢約啦。」聖誕將至，曼玉會和男友到歐洲過白色聖誕？她說：「未諗，多數係一齊過，不過未知喺邊。」
採訪、攝影：張俊銘
