百多名來自不同國家或地區嘅少年畫神得獎作品，即日至今個月22日，率先放喺赤柱美利樓展覽；24日至下個月5日就移師天水圍天瑞商場繼續展出。今次作品嚟自上月舉行嘅第七屆葡萄牙國際青少年現場繪畫賽，以葡萄牙本土文化做主題，有成約160幅作品係多個國家12歲以上學生嘅作品。除咗係比賽中勇奪最佳團隊嘅四名香港未來畫神謝瑜㼆、田智婷、何思穎同劉浚銘之外，大會仲安排三個俄羅斯同一個葡萄牙得獎學生，聽日喺赤柱廣場同200個香港學生寫生，畫吓天后廟、美利樓同赤柱廣場，齊齊交流切磋。
有少女畫神之稱嘅香港學生謝瑜㼆其中一幅拎冠軍嘅作品，要喺文化遺產古城埃武拉（Evora）突擊畫畫，當時忽然落起場雨，幾乎考起少女畫神，「因為本身好少畫雨景，對我嚟講係一個新嘗試」。結果反而得到評判欣賞，讚佢畫風有創意，話咁易就打低其他對手。