第4季打NBA嘅公牛中鋒諾亞（圖），周四接受訪問時就話，認清楚以前偶像加尼特嘅真面目。原來諾亞一直視塞爾特人嘅加尼特係偶像，以前有儲佢嘅波衫，間房仲貼滿佢嘅海報，但到諾亞成為NBA球員，發覺加尼特對新秀同埋外援好唔禮貌，打法又醜陋，簡直係卑劣嘅傢伙。最好笑係諾亞表明，聖誕節唔會送禮物畀加尼特㖭。