香川真司今季加盟多蒙特後，表現非常突出；加上內田篤人等，日本人喺德甲唔係新鮮事，但香川嘅成功，就吸引到其他德甲球會希望引入日本兵。最新嘅，就有利華古遜派人到東瀛睇辦，目標係大阪飛腳中場安田理大（圖），據講利華會開出唔錯條件，希望喺日聯球季結束後羅致佢。22歲嘅安田亦好有理想，減薪都希望可以出外闖，所以暫時唔考慮續約飛腳。