【本報訊】終審法院昨日就離婚夫婦財產定下公平分配原則，夫婦可平分身家。香港不少名人明星經歷失敗婚姻，如鍾鎮濤與章小蕙、李麗珍與許愿、林憶蓮與李宗盛、蔡卓妍與鄭中基等。
張天愛：更有保障
影后張曼玉曾與法籍導演奧利華．阿薩耶斯（OlivierAssayas）結婚又離婚，昨日她在鰂魚涌出席一項汽車活動時，談到香港離婚夫婦要對分身家的新指引，她說：「其實好多國家已經有呢樣嘢，有啲國家會選擇share，其實兩個人一齊最緊要有舒服嘅感覺，如果合唔得埋就唔應該結婚。有人會覺得如果事先講定（分身家）會好肉酸，最緊要係大家同意啫。」
另外，名媛張天愛曾嫁富商邢李㷧，現任丈夫則是美籍華裔演員王盛德（藝名羅素），即王敏德兄長，張天愛認為新指引對女士有保障，她昨日在中環現身服裝活動時說：「對女仔好呀，喺香港結婚咪有保障囉。」她與現任丈夫是在美國註冊的，她說：「當地法例已經係咁，但我同前任或現任都唔係講錢嘅人，以前離婚嘅前任身家係億億聲，但我好硬頸，冇用人哋嘅錢，冇要贍養費，唔鍾意使人啲錢。」