【本報訊】「我大佢1歲，應該做阿哥！」仗義捐肝給同袍續命的海關督察許細文，昨晨如常離家散步。他精神煥發地表示，可以考慮與受肝同袍袁偉祥做結拜兄弟。許Sir又指，近日收到不少女性的電話短訊和電郵約會，兄長又乘機向他催婚，許Sir笑說：「睇緣份啦！」
昨晨9時許，許細文由大嫂陪同離開將軍澳住所往散步，步履顯然比前一日暢順。他說，傷口已沒有那麼痛了，下周二會返回瑪麗醫院覆診，到時會順道探望仍然留醫的袁偉祥。
望與受捐同袍結拜
記者問他對於這位「肝膽相照」的同袍，有沒有考慮過結拜為兄弟，他說：「有想過，我今年40歲，大佢1歲應該做阿哥！」
出院後這幾天終日留在兄長家中，可有感到悶呢？許Sir竟說：「其實好忙，因為每日都回覆電話短訊和e-mail，當中有冇見好耐嘅舊同學，又有同事嘅女性朋友，甚至有唔相識嘅女仔，佢都有問候，亦有約出街見面。」許Sir兄長乘機向他催婚，許說：「睇緣份啦！」
袁偉祥已可坐起身
另外，受肝關員袁偉祥目前仍在瑪麗醫院深切治療部留醫，袁太指丈夫現已可進食固體食物，「但冇乜胃口，食得唔多」。袁太又表示，丈夫有肺積水情況。他說：「護士不時要同佢插喉抽水，不過，佢情況已好好多，可以坐起身，但落床就雙腳無力」。
袁太又表示袁偉祥已知道許細文捐肝給他，他並表示：「估唔到呢個世界上有咁好嘅人，出院後一家人會去多謝許Sir。」