扇燈自由組　不一樣的花樣年華

近年樓價狂升，套現後換間新屋，想格調唔同啲，除咗落本裝修外，燈光可算是營造氣氛的靈魂。要與眾不同，又想營造不一樣的花樣年華感覺，自己話事點配點襯嘅風扇吊燈就啱晒你，成間屋企型得起、又夠晒氣質！

記者：張文蕙
攝影：梁細權、陳陶鈞
Model：YoYo@inspirepeople

自己話事風扇燈

典雅的風扇燈，能將家居打造得古典樸實，而且散發微風，作為家中裝飾能營造氣氛，更且有節能功效。不過盞盞款式大同小異，很難滿足追求新鮮感的香港人。為此興華燈飾店內特意讓客人自選天花風扇，配襯各種燈飾設計，改裝成用家的心水之選，咁就唔使驚下下同鄰居撞款啦！負責人之一許先生展示風扇燈的原圖時表示，「原本的樣貌很簡約，一般用家都嫌太清，我們便引入這種配襯服務，客人可得一想二，而且其他店舖是沒有的。」他補充：「客人多數選水晶燈作配搭，勝在夠氣派，又多款揀。」此外，各款風扇均可調校風速，不只外表，內在亦實用。
不過，香港的居所不是戶戶都有如此高樓底，所以燈飾店亦貼心地備有外形較潮的亮白簡約風扇燈，主攻年輕剛上車的業主。而愛好懷舊一輩更可選擇以芭蕉葉製作的天花風扇，配襯古式吊燈，散發淡黃光，為之柔和。掛在家裏，有沒有點王家衞電影花樣年華的感覺？店內師傅展示如何改裝一盞優雅的風扇水晶燈，步驟不多，很短時間便完成。