安察洛堤帶車路士交到成績，自然受到班主阿巴莫域治嘅重用，而球隊目前仍然喺英超領先之際，卻突然有助教韋健士劈炮唔撈，好明顯係安帥做嘢，想清走啲舊員。舊嘅離開，新嘅就嚟，傳聞安帥會搵「馬仔」馬甸尼（圖）過嚟幫手，即係想教練團組成意大利幫派，全部自己人，同聲同氣，合作都易啲。「馬仔」名氣肯定響噹噹，如果最終去車仔都唔係壞事。