【旺友】天氣轉凉，各位睇夜波都要保重，着多件衫，不過就嚟冬天，又係女士們冬裝出場時候，我守丹平時出街都會留意吓家興啲乜，喂，上兩年仲好hit嘅雪靴，暫時好似冇晒影噃！
睇女仔衣着打扮，我實會留意佢哋着咩鞋先，最鍾意女仔着雪靴，要淺啡色嘅，着咗上腳會好似隻糉咁，好大嚿，好過癮，你唔係唔知咩係雪靴呀？有啲女仔個樣好鬼Kawaii，一副大黑框、一頂毛毛帽、加埋對雪靴，呢個就係我心目中嘅女神打扮，成個小雲咁可愛，正！
周中同舊戰友畢傑打牙骱，點知曼市打吡和波收場，下次再bet過囉，今期就玩吓佢隊波，斑馬兵對首都狼，動物大戰喎，祖記主場又場場開「大」，跟多次囉，畢傑要「細」就SMS我啦唔該。
文：守丹
心水：祖雲達斯大
近5場戰績：LWWWW
心得：祖記主場長開「大」