占士邦電影入面嘅經典名車AstonMartinDB5上月底喺倫敦拍賣，以3,100萬港元成交，唔係人人買得起，但香港運輸署車牌拍賣就唔同喇，底價只係5,000蚊，聽日（星期日）就有個「007BOND」車牌，隨時引嚟香港影迷激烈競投。
除咗電影迷，天王黎明嘅fans都要注意，因為拍賣會仲有一個「LA1M1NG」車牌。
今次自訂車牌拍賣共有119個號碼，數量唔算多，但唔少叫價潛力極高，例如由兩個英字母組成的車牌號碼，過去成交金額往往超過10萬元，今次拍賣就有多達9個，當中一個「LV」車牌，隨時有唔少港女競投；而「BE1J1NG」、「MACAU」同「SUNDAY」都好有特色。