香港亞運足球隊前日成功出線亞運16強，身在日本訪問嘅煲呔，噚日晨咁早就喺facebook佢個「上亞厘畢道」留言，話為港隊成績感到驕傲，食早餐時仲全程同班下屬講波經，仲話有時間嘅話，佢都想撲飛、親身去廣州幫港隊打氣。繼東亞運奪金後，港足又成為政客抽水對象。
煲呔都係跟大隊講吓波，好快就有唔少網友喺佢段個人感想度留言，但係啲留言就真係唔多友善，字裏行間民怨沸騰，最多人發表嘅回應竟然係：「足球隊似政府就死得！」
記得當年特首董伯伯去大球場睇利物浦練波，被市民大喝倒采，今次煲呔講波被人插，睇嚟煲呔都無謂上廣州睇波，免得冇癮收場！