諸葛梓岐平時行騷就見得多，噚日佢就去保良局探訪長者，原來今次係諸葛梓岐首次探訪老人家，佢話以前喺加拿大做義工，都係以幫小朋友為主。問到係咪因為男友薛嘉麟係保良局嘅總理同名譽顧問，所以先幫手做義工探訪？諸葛梓岐話：「做善事越多越好，冇話幫邊間，總之啱咪去做。」佢又話男友屋企都有唔少老人家，大家相處時都好愉快喎。