今季由紐約人轉投勇士嘅27歲前鋒大衛里爾（圖），周三首次回到紐約麥迪遜花園球場作賽。自06年球季效力紐約人嘅大衛里爾，一向為紐約球迷嘅最喜愛球員，今次佢被介紹出場時，紐約球迷即時熱烈鼓掌、站立歡迎，搞到佢幾咁感動，熱淚盈眶，之但係感動還感動；大衛里爾無放軟手腳，全場入28分及10籃板，最終勇士以122:117勝紐約人。